Соёл урлаг, хууль эрх зvйн салбараар дамжуулан Монголд ардчилал, иргэний нийгмийг хөхиvлэн дэмжих, мэдээлэл, мэдлэгийн хvчийг тvгээн, ардчилсан соёл болон мэдээлэлтэй, чадавхитай иргэдийг бий болгох хэтийн зорилготой анх 1999 онд үйл ажиллагаагаа эхлүүлж байсан Глоб Интернэшнл ТББ –ийнханд 10 жилийнх нь ойг тохиолдуулан баярын мэнд дэвшүүлье.
Глоб Интернэшнл ТББ нь үүсч байгуулагдсан цагаасаа эхлэн дээрх зорилгодоо тууштай байж үзэл бодлоо илэрхийлэх болон мэдээллийн эрх чөлөө, хэвлэл мэдээллийн эрх зүйн орчинг сайжруулах чиглэлээр төсөл, хөтөлбөр хэрэгжүүлэх, олон улсын туршлага судлах, сурталчлан таниулах, бодлого боловсруулагчдад нөлөөлж, эрчимтэй ажиллан бодит ажил болгож ирсэн иргэний нийгмийн томоохон байгууллагын нэг билээ.
Глоб Интернэшнл ТББ нь Монгол улсад олон нийтийн өргөн нэвтрүүлгийн тогтолцоог бий болгоход санаачилга гарган, гар бие оролцон ажиллаж, иргэний нийгмийн болон олон улсын байгууллагуудын дэмжлэгтэйгээр олон нийтийн өргөн нэвтрүүлгийн мөн чанар, үзэл баримтлал, зарчим, олон улсын хэмжээг түгээн дэлгэрүүлэх, зохих хууль тогтоомж боловсруулах, батлуулах чиглэлээр идэвхтэй ажилласанд олон нийт тэр дундаа ОНРТ-ийн хамт олон талархалтай байдаг билээ.
Ардчилсан нийгмийн тулгын чулуу болсон үзэл бодлоо илэрхийлэх, мэдээллийн болон хэвлэл мэдээллийн эрх чөлөөг хангахын төлөө Та бүхний хийж буй үйлсэд амжилт хүсье.
МҮОНРТ-ИЙН ЕРӨНХИЙ ЗАХИРАЛ
М.НАРАНБААТАР