"Глоб Интернэшнл" төрийн бус байгууллага, Зориг сан, Хэвлэлийн Хvрээлэнгээс хамтран ЮНЕСКО-гийн санхvvжилтээр "Хэвлэл мэдээлэл ил тод засаглалын төлөө" төсөл хэрэгжvvлэх гэж байна. Энэ төсөл нь ил тод засаглалыг хөхиvлэн дэмжих, vvнд хэвлэл мэдээллийн гvйцэтгэх vvргийг нэмэгдvvлэх зорилготой юм.

Төслийн vйл ажиллагааг танилцуулах редакторуудын анхны уулзалт 2004 оны 11-р сарын 8-нд Зориг сангийн байранд зохион байгууллаа.

Уулзалтын гол агуулга нь Монголын хэвлэл мэдээллийн хэрэгслийн эрхлэгч, редакторуудыг төслийн хvрээнд явагдах авилгын эсрэг найман сарын хэвлэл мэдээллийн аянд татан оролцуулах, хамтран ажиллах тодорхой тохиролцоонд хvрэх явдал байлаа. Уулзалт ярилцлагад 40 редөктор оролцсон.

Уулзалтын vр дvнд 5 хэвлэл мэдээллийн хэрэгслийн удирдлага болох «25-р суваг» телевизийн захирал З.Алтай, «TV-9» телевизийн захирал Н.Дуламсvрэн, «Монголын мэдээ» сонины ерөнхий эрхлэгч Д.Сандагсvрэн, «Їнэн» сонины орлогч эрхлэгч н.Бvдээхvv·, «Дээдмийн амьдрал» сонины орлогч эрхлэгч н.Отгондаваа нар энэхvv аянг дэмжиж, хамтран ажиллахаа мэдэгдлээ.
Редакторуудын 2 дахь уулзалт энэ сарын 12-нд болно.

Уулзалт ярилцлагын vеэр УИХ-ын эрхэм гишvvн С.Оюун, «Глоб Интернэшнл» ТББ-ын тэргvvн Х.Наранжаргал, Хэвлэлийн хvрээлэнгийн захирал М.Мөнхмандах нар хэвлэл мэдээллийн хэрэгсэл нь олон нийтийн ухамсарт нөлөөлөх, мэдээллийн эрх чөлөө болон эрэн сурвалжлах сэтгvvл зvйд vзvvлэх ач холбогдол, vvргийн талаар ярилаа.

УИХ-ын эрхэм гишvvн С.Оюун авилгатай тэмцэх чухал ач холбогдол бvхий хоёр арга зам байгаа талаар тэмдэглэв.. Энэ нь улс төрийн хvсэл эрмэлзэл, олон нийтийн хандлагыг өөрчлөх явдал юм. Тэрээр хvрэлцэн ирсэн хvмvvст талархал дэвшvvлээд авилгатай тэмцэхэд хэвлэл мэдээллийн гvйцэтгэх vvрэг асар ихийг онцлон тэмдэглэлээ.

 

Тvvнчлэн авилгын эсрэг аяны явцдаа төрийн тvшээд, албан хаагчид орлогын мэдvvлэг, улс төрийн намуудын санхvvжvvлэлт, сонгуулийн санхvvжилтийг ил тод гаргах, мэдээлэл олж авах эрх зэрэг 4 зvйлд гол анхаарлаа хандуулахыг зөвлөсөн.

 

Уулзалтын төгсгөлд төслийг хэрхэн амжилттай хэрэгжvvлэх талаар санал бодлоо чөлөөтэй солилцож, хэвлэл мэдээллээр авилгыг эрэн сурвалжлахад тулгардаг нэн тэргvvний бэрхшээлvvд, тэдгээрээс гарах арга замын талаар хэлэлцлээ.