“Эрх зүйн сурталчилгааны дунд хугацааны хөтөлбөрийг хэрэгжүүлэх оновчтой арга зүй, холбогдох бичиг баримтыг боловсруулж, сургалт зохион байгуулах” зөвлөх үйлчилгээний хүрээнд “Глоб Интернэшнл” ТББ “Эрх зүйн мэдээлэл солилцох, үйлдвэрлэх, түгээх нь”  зөвлөлдөх уулзалт  зохион байгууллаа.

Уулзалт нь хууль эрх зүйн мэдээлэл, сургалт сурталчилгааны сайн төлөвлөгөө боловсруулахад талуудын оролцоог нэмэгдүүлж, зорилтот бүлгүүдэд чиглэсэн түлхүүр мессеж тодорхойлж, агуулга, үзэл баримтлал боловсруулахад санал авах зорилготой байв.      

2011 оны 01-р сарын 12-ны өдрийн Лхагва гарагт Найрамдал зусланд зохион байгуулсан уулзалтанд оролцогсод эрх зүйн дунд хугацааны хөтөлбөрийн хүрээнд заасан 8 нас болон, 8 үнэт зүйлсийн хүрээнд 8 баг болж ажиллалаа.

                                        Үндсэн чиглэл, сэдвүүд, насны ангилал

           Үндсэн чиглэл буюу сэдвүүд:                                               Бүлгүүдийн хуваагдах насны ангилал

              1. Архигүй орчин                                                                               1. Бүлэг I. Сургуулийн өмнөх нас /0-5 нас/
              2. Амгалан тайван орчин  /аюулгүй орчин /                                   2. Бүлэг II. Сургуулийн нас /6-15 нас/
              3. Хүчирхийллээс ангид орчин                                                         3. Бүлэг III. 25 нас
              4. Гэр бүл                                                                                           3. Бүлэг III. 25 нас
              5. Эрүүл мэнд                                                                                     3. Бүлэг III. 25 нас
              6. Спорт                                                                                             4. Бүлэг IV. 35 нас
              7. Хөдөлмөр                                                                                       5. Бүлэг V. 45 нас
              8. Байгаль хамгаалал                                                                       6. Бүлэг VI. 46-55 нас 
                                                                                                                         7. Бүлэг VII. 56-65 нас
                                                                                                                         8. Бүлэг VIII. 66-аас дээш нас

Зөвлөлдөх уулзалт 4 хэсгээс бүрдсэн бөгөөд дараахь үр дүнд хүрэв. 
          1. Эрх зүйн дунд хугацааны хөтөлбөрийг хэрэгжүүлэхэд анхаарах насны бүлгүүдийн онцлогийг тодруулав.
          2. Нас насны бүлгүүдийн онцлогт тулгуурлан тэдэнд мэдээлэл хүргэх сувгууд,  мэдээлэл түгээх тухайн сувагт тохирсон мэдээллийн агуулга, хэлбэрийг тодорхойлов. Ингэснээр сургалт сурталчилгааны ажлыг гүйцэтгэх ажлын төлөвлөгөөний суурь мэдээлэл бэлэн болов.
          3. Нас насны зорилтот бүлгүүдийн онцлогт нийцсэн мессежүүдийг тодорхойлохын тулд оролцогчдоос бүх насны онцлог, бүх үнэт зүйлийн хүрээнд байж болох бүх саналуудыг гаргаж авав.
          4. Дунд хугацааны хөтөлбөрийн хүрээнд хийх аянуудын хүрээнд хийж болох бүх үйл ажиллагааны хувилбарыг тодорхойлон гаргав. Энэ нь мөн дунд хугацааны хөтөлбөрийн хүрээнд хийх ажлуудын зөвлөмжийн суурь болов.