“Глоб Интернэшнл” төрийн бус байгууллагаас Швейцарийн хөгжлийн агентлагийн дэмжлэгтэй 2012 оны 04 дүгээр сараас “Хүйн радиогийн тогтвортой байдлыг дэмжих” төсөл хэрэгжүүлж эхэллээ.

Төслийн зорилго: нутгийн иргэдийн оролцоог нэмэгдүүлж, нутгийн радиогийн эрх, нийтлэг ашиг сонирхлыг  хамгаалах, нөлөөллийн үйл ажиллагаа явуулах чадвар бүхий мэргэжлийн холбооны чадавхийг бий болгосноор нутгийн радиогийн тогтвортой байдлыг хөхиүлэн дэмжих

Төслийн зорилт:
- Өвөрмөц зорилтуудад хүрэхийн тулд нөлөөллийн үйл ажиллагаа явуулах чадавхи бүхий Хүйн радиогийн холбоо байгуулах, орон нутаг, үндэсний болон олон улсын хэмжээний сүлжээтэй болоход нь дэмжлэг үзүүлэх 
- Хүйн радиог дэмжих улс төрийн хүсэл зориг бий болгох, хүйн радиог хөгжүүлэх бодлого тодорхойлох, хамгаалах чиглэлээр нийгмийн сэтгэл зүйг төлөвшүүлэх 
- Хүйн радионуудад мэдээлэл, мэдлэг, туршлага солилцох боломж олгох, нийтлэг асуудлыг тодорхойлох, интернэтэд ажиллах чадвар олгох 
- Радиогийн менежерүүдэд, сургалт уулзалтаар дамжуулан нутгийн иргэдтэй ажиллах, тэдний дуу хоолойг хүргэх чадвар бий болгох

Төслийн үйл ажиллагаа
Төсөл хэрэгжих найман сарын хугацаанд дараах хоёр чиглэлийн үйл ажиллагаа явуулна. Үүнд:

1. Нутгийн иргэдийн оролцоог дээшлүүлэх

Нутгийн радиогийн менежер, ажилтнуудад зориулсан сургалт
Иргэдийн боловсролын нэвтрүүлэг бэлтгэх

2. Хүйн радиогийн холбоо байгуулахад туслалцаа үзүүлэх

Дүрэм боловсруулах
Үүсгэн байгуулагчдын хурал
Холбооны үйл ажиллагааг дэмжих:
Стратеги, үйл ажиллагааны төлөвлөгөө боловсруулах
Цахим хуудас нээх
Хөрөнгө босгох чадавх бий болгох