Ерөнхийлөгчийн 2009 оны сонгуулийн үеэр үндэсний хэмжээнд өргөн нэвтрүүлэг эрхэлдэг таван телевизийн сонгуулийн сурталчилгаанд хийсэн мониторингийн дэлгэрэнгүй тайлан хэвлэгдлээ. 

Мониторингийг Нээлттэй Нийгэм Форумын санаачилгаар  байгуулагдсан  “Шударга сонгуулийн төлөө иргэний нийгмийн сүлжээ”-ний  хүрээнд  “Глоб Интернэшнл” төрийн бус байгууллага хийсэн юм.

“ИРГЭНИЙ, УЛС ТӨРИЙН ЭРХ” зөвлөлдөх салбар хуралдаан 2009 оны 11-р сарын 09-ний өдөр ОУ-ын Хүүхдийн Найрамдал төвийн сургалтын танхим болж төрийн бус байгууллагын нийт 112 төлөөлөгч оролцлоо.  ХЗДХЯ-ны Төрийн нарийн бичгийн дарга Г.Баясгалан хурлыг нээж “хуралдаанаас хүлээгдэж буй гол үр дүн бол ТББ-ууд хэлэлцэж буй асуудлын дагуу өөр өөрсдийн үйл ажиллагааны хүрээнд ямар ямар ажлуудыг хийж гүйцэтгэх нөөц боломж байгаа талаар нэгдсэн санал гаргаж ирэх явдал юм”  гэдгийг чухалчилсан юм.

Иргэний, улс төрийн эрхийн хэрэгжилт, тулгамдаж буй асуудлын талаар хэлэлцэх зөвлөлдөх салбар хуралдаан  2009 оны 11-р сарын 9-ний  өдрийн 09.00 – 16.00 цагт  Найрамдал зусланд болно. Салбар хуралдаанаар 2009 оны 12-р сарын 10-ны өдөр зохион байгуулах иргэний нийгмийн чуулга уулзалтад танилцуулах иргэний, улс төрийн эрхийн хэрэгжилтэд тулгамдаж буй асуудлыг хамтран  тодорхойлж, цаашид шийдвэрлэхэд  төрийн зарим үүргийг төрийн бус байгууллагуудаар гүйцэтгүүлэх боломжийн талаар хэлэлцэнэ.

Монгол Улсад хүний эрхийг хангах үндэсний хөтөлбөрийн хорооны 2009 оны 10 дугаар сарын 27-ны өдрийн  ээлжит хуралдаанд   Хорооны гишүүн  “Глоб Интернэшнл” ТББ-ын тэргүүн Х.Наранжаргал “Хэвлэл мэдээллийн эрх чөлөөний өнөөгийн байдал” илтгэл тавилаа.

Телевизийн нэвтрүүлгийн санаа хөгжүүлэх уулзалт 2009 оны 10 сарын 20-нд Марко Поло зочид буудлын уулзалтын танхимд боллоо. “Глоб Интернэшнл” ТББ-ын Бизнес мэдээллийн агентлаг МҮОНРТ-тэй хамтран бизнесийн мэдээллээр дамжуулан иргэдийн амьдралын чанарыг дээшлүүлэх, хувь нэмэр оруулах зорилгоор “Танд боломж олгоё” /ажлын нэр/ телевизийн нэвтрүүлэг бэлтгэхээр төлөвлөж байна.

Хүний эрхийг хангах үндэсний хөтөлбөрийн хороо нь Монгол Улсад хүний эрхийг хангах үндэсний хөтөлбөрийг хэрэгжүүлэхэд төрийн бус байгууллагуудын оролцоог нэмэгдүүлэх, тэдний үйл ажиллагаанд дэмжлэг үзүүлэх зорилгоор тус хөтөлбөрийг хэрэгжүүлэх зарим ажлыг төрийн бус байгууллагаар гэрээгээр гүйцэтгүүлэхээр төлөвлөсөн.

Дэлхий нийтээрээ ХДХВ/ДОХ-ын асуудалд анхаарлаа хандуулах олон улсын өдөр арванхоёрдугаар сарын 1-ныг тохиолдуулан МУЗН, “Оюуны дархлаа” төрийн бус байгууллагаас телевизийн студиудын дунд сурталчилгааны богино хэмжээний шилдэг үзүүлбэр /ролек/-ийн уралдааныг 2009 оны аравдугаар сарын 10-наас 2009 оны арваннэгдүгээр сарын 25-ны хугацаанд зарлаж байна.

“Глоб Интернэшнл” төрийн бус байгууллага 2009 оны 10 дугаар сарын 12-ноос эхлэн 3 сарын хугацаанд Улаанбаатар дахь АНУ-ын Элчин сайдын яамны санхүүжилтээр “Нэр төр сэргээх хэрэг  ба цензур” төсөл хэрэгжүүлж эхэллээ.

“Глоб Интернэшнл” төрийн бус байгууллага 2009 оны 10 дугаар сарын 12-ноос эхлэн 3 сарын хугацаанд Улаанбаатар дахь АНУ-ын Элчин сайдын яамны санхүүжилтээр “Нэр төр сэргээх хэрэг  ба цензур” төсөл хэрэгжүүлж эхэллээ.

“Глоб Интернэшнл” ТББ  “Бизнесийн мэдээлэл” төслийнхөө  хүрээнд нээсэн  бичил радио студидээ  анхны цуврал нэвтрүүлгээ бэлтгэн Хэнтий, Өвөрхангай, Өмнөговь, Ховд, Хөвсгөл, Дархан-Уул зэрэг 6 аймгийн орон нутгийн гэрээт радионуудаар  дамжуулан сонсогчиддоо хүргэж эхэллээ.