Дэлхийн хэвлэл мэдээллийн салбарыг дэмжигч Интерньюс байгууллага Байгаль дэлхийн төлөө Сэтгүүл зүйн шагнал олгох болсноо Итали улсын Сиракуса хотод 2009 оны 4-р сарын 22-нд болсон Их Наймын Байгаль Орчны Сайд нарын уулзалтын уур амьсгалын өөрчлөлтийн талаарх дугуй ширээний хэлэлцүүлгийн үеэр зарласан байна.

Глоб Интернэшнл ТББ нь “Ил тод байдлын төлөө түншлэлийн сан”-гийн дэмжлэгтэйгээр “Олон нийтийн зөвлөлийг чадавхжуулж  авлигыг бууруулъя” төслийг амжилттай хэрэгжүүлж дууслаа. Энэ төсөл нь Олон нийтийн зөвлөлийг чадавхижуулах замаар Авлигатай Тэмцэх Газрын авлигыг бууруулах үйл ажиллагаанд нь бодитой хувь нэмэр оруулах зорилготой байсан бөгөөд төслийн баг болон Олон Нийтийн Зөвлөлийг Чадавхжуулах баг хамтран ажиллалаа.

“Бизнесийн мэдээлэл” төслийн хүрээнд Хөвсгөл аймгийн малчдад зориулсан сургалтыг 2009 оны 06-р сарын 24-27-ны өдрүүдэд “Баян Буурал” жуулчны баазад тусгайлан бэлтгэсэн хөтөлбөрийн дагуу амжилттай зохион явууллаа. Сургалтанд  24 хүн оролцсоноос багийн засаг дарга 3, малчин  19, малын эмч  2  байсан бөгөөд 40 гаруй хувь нь давхар ногоо тариалдаг, жижиг бизнес эрхэлдэг хүмүүс байв.

2008 оны 7 сарын 1-ний өдрийн үйл явдлын үеэр монголын хэвлэл мэдээлэлд төрийн бус 20 гаруй байгууллага эвлэлдэн нэгдэж байгуулсан, “Онц байдалтай холбоотой хүний эрхийн зөрчлийн мониторинг, хамгааллын эвсэл-ийн үйл ажиллагааны хүрээнд Нээлттэй нийгэм форумын санхүүжилтээр “Глоб Интернэшнл” төрийн бус байгууллагаас "IRIM" судалгааны хүрээлэнтэй хамтран хийсэн билээ.

Монголын ардчилал, үзэл бодлоо илэрхийлэх эрх чөлөөний сорил болсон 2008 оны 7 сарын 1-ний үйл явдлыг шуурхай сурвалжлан олон нийтэд үнэнийг хэлэхийн төлөө мэргэжлийн эр зориг гарган хувь нэмэр оруулсан сэтгүүлч, хэвлэл мэдээллийн байгууллагын ажилтнуудад Хэвлэлийн эрх чөлөөний шагнал олгов.

“Глоб Интернэшнл” ТББ –аас зохион байгуулсан  “7-р сарын 1: Хэвлэлийн эрх чөлөөний сорилт” арга хэмжээнд сэтгүүлчид, хэвлэл мэдээллийн байгууллагын удирдлагууд, иргэний нийгмийн төлөөлөл оролцож чөлөөт ярилцлага өрнүүллээ.  2008 оны 07 сарын 1-ний өдрийн хэрэг явдал нь ардчилсан тогтолцоог сонгосноос хойших монголын түүхэнд анх удаа олон нийтийг цочроосон, онцгой үйл явдал болж,  нийгэмд зөрчилт нөхцөл байдал үүсгэсэн билээ. 

“Бизнесийн мэдээлэл” төслийн хүрээнд 2009 оны 06-р сарын 14-17-ны өдрүүдэд Ховд аймгийн Ховд хотоос 10км-т “Шүүтийн тохой” жуулчны баазад малчдад зориулсан сургалтыг амжилттай зохион байгууллаа. Сургалтын бүх хичээл монгол гэрт явагдсан бөгөөд, уламжлалт нүүдлийн байр нь орчин үеийн мэдээллийн шинэ технологийг сургах сургалтын талбар болсон нь нэн сонирхолтой байлаа.

“Глоб Интернэшнл” ТББ Хэвлэлийн Хүрээлэнтэй хамтран “2009 оны Ерөнхийлөгчийн сонгуулийн сурталчилгааны үеэр сэтгүүлчид хэрхэн ажиллав?” нээлттэй хэлэлцүүлгийг 2009 оны 06-р сарын 10-нд зохион байгууллаа. Хэлэлцүүлэгт хэвлэл мэдээллийн зарим байгууллагын удирдлагууд, сэтгүүлчид, сэтгүүл зүйн багш судлаачид, хөндлөнгийн мэргэжилтэн ажиглагчид, иргэний нийгэм, олон улсын байгууллагын төлөөлөл оролцов.

 “Глоб Интернэшнл” ТББ   сонгуулийн сурталчилгааны хамгийн идэвхтэй үе болох сүүлийн 15 хоногийн  турш үндэсний хэмжээнд өргөн нэвтрүүлэг эрхэлдэг  МҮОНТВ, UBS, ТВ5, ТВ9, 25 суваг телевизийн сонгуулийн сурталчилгаанд  хийсэн мониторингийн товч тайланг  танилцуулж  байна.

 “Глоб Интернэшнл” ТББ   үндэсний хэмжээнд өргөн нэвтрүүлэг эрхэлдэг МҮОНТВ, UBS, ТВ-5, ТВ-9, 25 суваг телевизэд хийсэн мониторингийн   сүүлийн өдрүүд  буюу  тавдугаар сарын 18-наас 22-ны  өдрийг дуустал  5 өдрийн  дүнг  танилцуулж  байна.