“Глоб Интернэшнл Төв” төрийн бус байгууллага 2013 оны 10 дугаар сарын 29, 30-ны өдрүүдэд зохион байгуулах Хэвлэл мэдээллийн  үндэсний бага хурлын Хөтөлбөртэй танилцана уу.

“Глоб Интернэшнл Төв” төрийн бус байгууллага 2013 оны 10 дугаар сарын 29, 30-ны өдрүүдэд “Чингис” зочид буудлын хурлын танхимд АНУ-ын ЭСЯ, Канадын ЭСЯ, “Транспэрэнси Интернэшнл-Монгол”, ЮНЕСКО-гийн Монголын Үндэсний Комиссын дэмжлэгтэйгээр  Хэвлэл мэдээллийн  үндэсний бага хурал зохион байгуулна. 

“ЮНЕСКО-н хэвлэл мэдээллийн шалгуур үзүүлэлтүүдийг хэрэглэх нь” судлаачдад зориулсан гарын авлагыг Канад дахь Хууль эрх зүй ба Ардчилал төвийн гүйцэтгэх захирал Тоби Мендел боловсруулсныг орчуулан танилцуулж байна.

Хэвлэл мэдээллийн салбарт тулгамдсан зарим асуудлыг шийдэхэд санаачилгатай ажиллахыг мэргэжлийн холбоодын зүгээс УИХ, Засгийн газрын гишүүдэд хандан уриалжээ. Мэргэжлийн холбоодын уулзалтаас гаргасан дээрх уриалгыг Дэлхийн хэвлэлийн эрх чөлөөний өдрийг тохиолдуулан ЗГХЭГ-ын дарга Ч.Сайханбилэгт Дэлхийн хэвлэлийн эрх чөлөөний өдрөөр гардууллаа.

5 дугаар сарын 3 буюу Дэлхийн хэвлэлийн эрх чөлөөний өдрийг тохиолдуулан УИХ, Засгийн газрын гишүүдэд  хандан  “Глоб Интернэшнл төв” төрийн бус байгууллага,  Монголын сэтгүүлчдийн эвлэл, Монголын өдөр тутмын сонинуудын холбоо, Монголын сонины холбоо, Монголын телевизүүдийн холбоо, Монголын сайтын холбоо, Монголын хэвлэлийн хүрээлэн хамтран  УРИАЛГА  гаргалаа.   

Дэлхийн хэвлэлийн эрх чөлөөний өдрийн 20 жилийн ойд зориулж НҮБ-ын ерөнхий нарийн бичгийн дарга Бан Ги Мүн, ЮНЕСКО-гийн ерөнхий захирал Ирина Бокова нар  дэлхийн улс орнуудад хандан ХАМТАРСАН ИЛГЭЭЛТ гаргалаа.

“Глоб Интернэшнл төв” төрийн бус байгууллага, Монголын сэтгүүлчдийн эвлэлтэй хамтран 2013 оны 05-р сарын 1-ний өдөр Нээлттэй Нийгэм форумын хурлын танхимд “Дэлхийн хэвлэлийн эрх чөлөөний өдөр 20 дахь жилдээ” үйл ажиллагаа зохион байгуулна.

Нэгдсэн Үндэстний Байгууллагын Ерөнхий Ассамблей 1993 онд Дэлхийн Хэвлэлийн эрх чөлөөний өдөр тэмдэглэхийг тунхагласан бөгөөд эл өдрийг дэлхий нийтээрээ тэмдэглээд өдгөө 20 жил болж байна. ЮНЕСКО, 2013 онд Хэвлэлийн эрх чөлөөний өдрийг “Үг хэлэхээс үл эмээх нь: хэвлэл мэдээллийн бүхий л хэрэгслээр үзэл бодлоо илэрхийлэх эрх чөлөөг хамгаалах нь“ сэдвийн дор дараахь гурван асуудалд анхаарал хандуулан тэмдэглэхийг гишүүн орнууддаа уриаллаа.

"NBS" телевизийн захирал, сэтгүүлч С.Наранбаатар бусдын гарт харамсалтайгаар амиа алдсанд “Глоб Интернэшнл” ТББ гүнээ харамсаж, түүний гэр бүл, найз нөхөд, ойр дотныхон, хамт олонд гүн эмгэнэл илэрхийлж байна.

“Глоб Интернэшнл” ТББ нь ЮНЕСКО-гийн Бээжин дэх Төлөөлөгчийн газар, Азийн сангийн дэмжлэгтэйгээр Монголын Сэтгүүлчдийн эвлэл, Хэвлэлийн Хүрээлэн, Ил тод байдал ТББ, МУИС-ийн сэтгүүл зүйн тэнхимтэй хамтран Монголын хэвлэл мэдээллийн өнөөгийн байдалд иж бүрэн үнэлгээ хийх “Хэвлэл мэдээллийн шалгуур үзүүлэлт” (Media Development Indicators) боловсруулах гэж байна.